ირის ბორჩაშვილის სახელობის ანესთეზიოლოგიისა და რეანიმატოლოგიის დეპარტამენტი გაიხსნა 2010 წელს აჭარის ჯანდაცვის სამინისტროს ექსპერტ ანესთეზიოლოგ–რეანიმატოლოგის, მედიცინის მეცნიერებათა დოქტორის, ბათუმის შოთა რუსთაველის სახელმწიფო უნივერსიტეტის პროფ. ილია ნაკაშიძის ხელმძღვანელობით, რომელიც დეპარტამენტს ხელმძღვანელობდა 2016 წლამდე, 2016-2020 წწ იყო კლინიკის მოწვეული პროფესორ კონსულტანტი.
ირის ბორჩაშვილის სახელობის კლინიკა ,,მედინა“–ს ანესთეზიოლოგიისა და რეანიმატოლოგიის დეპარტამენტი აღჭურვილია თანამედროვე მაღალტექნოლოგიური აპარატურით. გერმანული საანესთეზიო და სასუნთქი აპარატებით, გაზოანალიზატორებით, კარდიომონიტორებით, ინფუზომატებით, პამპებით, სისხლის მჟავა ტუტოვანი წონასწორობის და სისხლის გაზების განმსაზღვრელით, ჰემოდიალიზის აპარატით.
ანესთეზიოლოგ–რეანიმატოლოგები რეზიდენტებთან ერთად მართავენ ინტენსიური თერაპიის პაციენტებს, ახორციელებენ პაციენტის წინასაოპერაციო მომზადებას. პაციენტებს დეტალურად უხსნიან რას უნდა ელოდეს ოპერაციის მსვლელობისას და ასევე შემდგომ, აძლევენ მითითებებსა და რეკომენდაციებს წინასაოპერაციო მომზადებისთვის, ითვალისწინებენ პაციენტის ფსიქოლოგიური და სომატურ მდგომარეობას.
ჯანმრთელობის ცენტრი ,,მედინა“ მიეკუთვნება III დონის პერინატოლოგიურ კლინიკას, ემსახურება ყველა სიმძიმის პაციენტს. ყოველდღიურად დეპარტამენტის შიდა კონფერენციაზე დეტალურად განიხილება და თითოეული პაციენტის ინტენსიური თერაპიის პროგრამა. ხშირად ტარდება კონსილიუმი სხვადასხვა პროფილის ექიმების მონაწილეობით.
ჩვენი პერსონალი ექიმები, ექთნები, სანიტრები გამოირჩევიან მაღალი პროფესიონალიზმით, რომლებიც ყოველდღიურად ამხნევებდნენ როგორც პაციენტებს, ასევე მათ ახლობლებს, ემოციურად, მორალურად მხარს უჭერდნენ მათ.
ანესთეზიოლოგიური სამსახური უზრუნველყოფს პაციენტებისთვის სამედიცინო მომსახურებას, როგორც სტაციონარში, ასევე ამბულატორიულ პირობებში (გასტრო–ეზოფაგოდუოდენოსკოპია, კოლონოსკოპია, ბრონქოსკოპია, ბიოფსია, კუჭის ბოტოქსის ინექცია).
ჩვენი მიზანია მინიმუმამდე დავიყვანოთ ანესთეზიასთან და ოპერაციულ ჩარევასთან დაკავშირებული რისკები, რაც განაპირობებს პაციენტის სწრაფ რეაბილიტაციას.
დეპარტამენტი ემსახურება 7 საოპერაციო დარბაზს.
ჩვენი ანესთეზიოლოგ–რეანიმატოლოგები ფლობენ გაუტკივარების ყველა არსებულ მეთოდს, რაც დღეს ცნობილია მსოფლიოში.
ირის ბორჩაშვილის სახელობის ჯანმრთელობის ცენტრი ,,მედინა“ წარმოადგენს ბათუმის შოთა რუსთაველის სახელმწიფო უნივერსიტეტის სტუდენტებისათვის და თბილისის სახელმწიფო სამედიცინო უნივერსიტეტის რეზიდენტებისათვის (სპეციალობით: ანესთეზიოლოგია/რეანიმატოლოგია და მეანობა–გინეკოლოგია) აფილირებულ ბაზას.
ანესთეზიოლოგია–რეანიმატოლოგიის დეპარტამენტში სწავლებას გადიან შოთა რუსთაველის სახელმწიფო უნივერსიტეტის საბუნებისმეტყველო–მეცნიერებათა და ჯანდაცვის ფაკულტეტის როგორც ქართულენოვანი, ასევე ინგლისურენოვანი სტუდენტები და თბილისის სახელმწიფო სამედიცინო უნივერსიტეტის რეზიდენტები სპეციალობით ანესთეზიოლოგია და რეანიმატოლოგია.
